حرشة باليمون

هاد الحرشة سمعتها لبارح فاللقاء المفتوح و جربتها وجات رطبة وزوينة
المقادير ديالها
4 البيضات كاس عصير الليمون _ كاس زيت _ 100 غرام سميدة رقيقة _ 100 غرام سنيدة _ 150 غرام فورص_ 2 خمارات_فانية من الاحسن تكون بنكهة البرتقال _للتزيين ربع كاس عصير الليمون مخلط مع ملعقة كبيرة عسل

كنخلطو جيع المقاديرحتى كنحصلو على خليط متجانس

كندهنو المقلة الثقيلة ديال المسمن بالزبدة و نرشوها بالسميدة رقيقة ونوضعو فيها الخليط وندخلوها للفرن حتى تطيب و كتخلطو العسل مع عصير الليمون و تسقيو بيه الحرشة و هادا هوالشكل النهائي و ممكن تزينوها بالي بغيتو

باللصحة و الراحة

جازاك الله كل خير
عندي سؤال
واش عصير الليمون هو البرتقال؟

وانت من اهل الجزاء اختي امينة احنا كنقولو للبرتقال ليمون هداك العصير ديال البرتقال

الله يعطيك صحة أختي شهيتيني فيها

[quote="أم الاميرات"]الله يعطيك صحة أختي شهيتيني فيها

[/quote[URL="http://www.qzal.net"]مركز تحميل الصور[/URL]]