ام عبد الرحمن
صاحبة المنتدى
عدد المساهمات : 2536
نقاط : 19697
السٌّمعَة : 14
تاريخ التسجيل : 23/03/2011
العمر : 58
 |  موضوع: الوثائق المطلوبة للحصول على الجنسية المغربية للاولاد الثلاثاء يناير 22, 2013 6:08 am | |
|
السلام عليكم ورحمة الله
هده تجربة اخت مغربية في منتدى تاني اتمنى ان تفيد الناس وانا منهم
السلام عليكم
البنات هذي تجربتي في الحصول على الجنسية المغربية والتسجيل بالحالة المدنية وجواز السفر ل2 وليدات
وحتى نفيد بعض الاخوات المغتربات
المرحلة الاولى: الحصول ع الجنسية المغربية نحتاج
نسخة من البطاقة الوطنية مصادق عليها
نسخة من عقد الزواج
بيان ولادة للاطفال {عقد الازدياد فين تولدو}
نسخة من جواز السفر للابناء
و2 صور للام ولكل طفل
وتنبر ديال 20 لكل واحد
كدفعي هذ الوثائق وكترجعي في الغد تاخدي الجنسية لك ولوليداتك
المرحلة التانية: للتسجيل بالحالة المدنية كتوجدي ملف في المقاطعة مكون من:
شهادة السكنى لك
بيان ولادة للاطفال
نسخة من عقد الزواج
نسخة من شهادة الجنسية للابناء لصوبتي في المحكمة
نسخة من شهادة الجنسية للام
=
هذ الوثائق باش تحصلي على شهادة الحياة للاطفال+ وشهادة عدم التسجيل في الحالة المدنية
[U]الخطوة التالثة: المحكمة[/U]
كتمشي المحكمة كتكوني وجدتي الاوراق التالية
نسخة من عقد الزواج
شهادة الحياة لكل طفل
شهادة عدم التسجيل في الحالة المدنية لكل طفل
وكتصوبي مقال يرمي للتسجيل بالحالة المدنية
كدفعيهم في المحكمة الابتدائية وكتخلصي 50 درهم على كل طفل وكيعطوك توصيل
كدوزي شي يومين وتمشي يقولو لك التاريخ لي ترجعي فيه يقدو يكن بعيد بزااااف
في حالة كنتي مستعجلةـ كتمشي عند رئيس المحكمة وتقليه راني مستعجلة ومعنديش الوقت ذاك الساع كيسيفطك لمحكمة الابتدائية قسم الجالية المقيمة بالمهجر كتجيبي معندهم وريقة بانك كتعيشي خارج المغرب ولكن خاص تكن معك ااوراق الاقامة
المهم كتاخذي الورقاة وتديها للئيس وكيكتب استعجال وكدفعيها مع المنلف والغد ليه ترجعي تاخذي الاذن بالتسجيل في الحالة المدنية هذ الاذن كيكنو وراق في ظرف مغلق وكتاخيهم للعمالة كيحلوه ويسجلو لك الولاد ويعطوك ظرف اخر مغلق بنفس الوقت وتمشي للمقاطعة عند ظابط الحالة المدنية وكياخذ الظرف ويسجل الوليدات ويعطيك عقد الازدياد الاخضر ومبروووووووووووووك عليك
الخطوة الرابعة: جواز السفر
شهادة السكنى للاطفال كتصوبيها بناءا ع عقد الازدياد لي خذيتيه مع 2 صور
نسخة من الجنسية
نسخة من البطاقة ديالك الوطنية
خنسخة من بطاقة الاب
موافقة الام
موافقة الاب
3 صور
ومن بعد 3 ايام او اسبوع كيكون الباسبور وجد
والف مبرووووووك
فعلا شوية نتاع تمارة ولكن كترتااااااااااااااااااحي بزاف
نصيحة مني
جميع الوثائق جيبها معاكم من بلاد المهجر وجمعهم في ظرف بلاستيكي وجيبو معاكم حت نسخ من الاوراق لي عندكم
انا درت 10 نسخ من عقد الزوااج
من بطاقتي
من بيان ولادة
من بطاقة الزوج......
وجبت حتى الصور
وجمعت الكل في ظرف وفينما مشيت كندي معايا الظرف اي وثيقة كنلقاها عندي
| |
|
