بعض الاسئلة حول وثائق الزواج المختلط مهم

السلام عليكم ورحمة الله
بعض الاسئلة قد تفيدك

بنسبة لسجل العدلي ديالي تنحصل عليه من المحكمة و لكن واش الابتدائية ولا الاستناف
السجل العدلي ديالك غادي تاخديه من المدينة فاش تزاديتي هادي اولا وكتاخديه من المحكمة بلحق ماعرفتش اينا وحدة فيهم لحقاش انا جابولي غي الواليد وخدا معاه عقد الازدياد اصلي وحتى الحالة المدنية احتياط+تنبر 20 درهم وخداهم فنفس النهار
و بنسبة لسجل العدلي ديال الخطيب
هادي الزين غادي ياخده من وزارة العدل اللي فالرباط فالقسم المختص بالاجانب وسيروا شوية بكري غادي يحتاج صورة من شهادة الميلاد +تنبر 20درهم+صورة من جواز السفر اخر مرة دخل فيها للمغرب وماشي ضروري يصادق عليه من الخارجية

بنسبة لبطاقة الهوية ديالوا واش يجيبها مصادقة عليها من سفارة ديالوا في بلد الاقامة و سفارة المغربية و لا ما شي مشكل ادا صادق عليها في المغرب
بطاقة الهوية من الاحسن يصادق عليها فالسفارة الاردنية من السعودية وماشي ضروري يصادق عليها فالسفارة د المغرب

بنسبة للوتائق الشخصية ديالوا من ازدياد و شهادة الجنسية و حسن سلوك و شهادة العزوبة غادي يطلبهم من سفارة الاردنية في السعودية وغادي يصادق عليهم في سفارة ديالوا واش لازم يصادق عليهم في سفارة المغربية حتى هي اولا

هانتي الزين هو منين يشد هاد الوراق كاملين ان شاء الله يمشي يصادق عليهم فالسفارة الاردنية فالسعودية لانهم كيسهلوا بزاف د الحوايج فالمغرب ونصيحة ما يصادقهم حتى يقرب يجي بشي اسبوع لحقاش فيهم غي 3اشهر يعني الا ماجاش فهاد الوقت خاصوا يعاود كلشي من الصفر
بالنسبة لواحد الورقة للي هي شهادة الكفاءة فالزواج هادي الزين منين غادي يجيب شهادة العزوبة مصادق عليها من السفارة الاردنية فالسعودية خاصوا يجيبها للمغرب ويديها للرباط ويصادق عليها من السفارة الاردنية في الرباط ضروري جدا ومن بعد يديها لوزارة الخارجية ملحقة التصديق ويصادق عليها
واش لازم يجيب معاه التزام او موافقة من الكفيل ديالوا لانوا كفالته ماشي على حسب العمل و لكن حرة
راجلي ماجاب معاه لا ورقة كفالة لا والو جاب غي شهادة الاقامة وفيها موضح اسم الكفيل

[/size]

بارك الله فيكي يا اغلى اخت

» الوثائق المطلوبة في الزواج المختلط
» وصية ام لابنتها عند الزواج حكم
» اجراءات الزواج في السعودية بالاجانب
» التجويد خطوة خطوة بطريقتي ميسرة( هنا تطرح الاسئلة والاستفسارات)
» ما يحبه الرجل في الزواج اعجبني جداى جدا جدا