زواج مغربية من مصري في مصر

السلام عليكم ورحمة الله

تجربة اخت من منتدى تاني

بسم الله الرحمن الرحيم أولا وبلا منطول عليكم انا خديت الفيزا عن طريق واحد الراجل جابهالي ب 3000 درهم وهي فيزا اسمها تيليكس فيزا امنيه مصريه متطبعش في الباسبور عبارة عن ورقة ...المهم وجدت ورقاتي في المغرب الي هما شهادة العزوبة و موافقة الأب و شهادة الميلاد و رسم الولادة و السجل العدلي وفينما تاخدي شي ورقة سولي فين غادة توثقيها و هما كيقولوك عاد كتمشي للخارجية في الرباط و كتوتقيها

ملاحظة : الأوراق كلهم خصهم يتوثقو من الخارجية في الرباط

دابا فاش كتوصلي بسلامة للمصر شنو كديري أول حاجة ياخدك خطيبك و تمشي للمستشفى حكومي ديال منطقة ديالو ((يمشي يسول في وزارة العدل يقولهم فين ساكن ويقولولو اشمن مستشفى يمشي ليه و يمشي قبل ماتجي انتي باش تربحو الوقت ))

المهم كياخدومنك الدم و يقولولوك انتي وهو رجعي حتى الغد للشهادتين ... المهم كتمشيو انتي وهو للسفارة المغربية بالقاهرة في الباب هضري بالمغربية و كيحليك الباب انتي وراجلك كدخلي كتسولي على مكتب سي سمير المهم كتمشي للمكتب كتقوليلو بغيت عدم الممانعة (( للعلم بلا هاذ الورقة لايتم الزواج )) كيقولك عطيني غير شهادة العزوبة و كيشوف واش موثقة من الخارجية ومن خطيبك كياخد شهادة العمل و القيد الفردي ديالو الي هي شهادة العزوبة ديالو ... و كيعطيك شهادة عدم الممانعة و انتي خارجه من السفاره سيري انتي و خطيبك للتحرير واحد المكان خاص بالباسبورات و الاقامة و زيدي في االاقامة لانها ضروريه في العقد ...المهم كتاخدي شهادة عدم الممانعة وكتمشي توثقيها في الخارجية المصرية و كتصوري وحتى راجلك يتصور وكتاخدي معاك للوزارة العدل عدم الممانعه+الصور + الاقامة في الباسبور + شهادة طيبه ديالك وديال راجلك و شاهدين على العقد و صاااااااااافي كدفعي هاد الاوراق وكتكتبي العقد و الف مبرووووووك

بعد ما كتاخدي العقد ضروووووووري سيري وثقيه في الشهر العقاري و الخارجية المصرية و السفارة المغربية و رااااعو هاد الترتيب
و صافي والعقد ديالك مكحتاج تذييل حيت موثق من السفارة المغربية وبهذا تكوني سليتي و ارتاحيتي :)))

جزيتي الجنة حبيبتي فعلا معلومات مفيدة كتير ربينا يكرمك ويرزقك كل ماتتمنين ياااااااااااااااااااااااااااااااااااااااارب

السلام عليكم
شكرا على هذا الموضوع المهم
انا محتاجة لتفاصيل اكتر لاني مقبلة على الزواج في مصر من مصري
هل الوثائق محتاجة للتصديق في السفارة المصرية ؟
هل وزارة العدل لا تاخد شهادة الميلاد ولا شهادة العزوبة؟ تاخد فقط وثيقة عدم الممناعة؟

وشكرا

تتاخد شهادة عدم الممانعة لانها فيها جميع المعلومات

ضروري توتيق في وزارة الخارجية فقط مادام غادي تحضري بنفسك مشي ضروري توتيق في السفارة وخلي خطيبك يتاكد من وزارة العدل بمصر لان قوانين تتغير

السلام عليكم
شكرا لك اختي على هدا الموضوع وجازاك الله عنا الف خير
اريد ان اسالك اختي عن اهمية اخد رسم الولادة وشهادة الميلاد والسجل العدلي معي الى مصر مادمت لن استعمل الا شهادة العزوبة للحصول على شهادة عدم الممانعة والتي كما تفضلت وقلت في ردك على احدى الاخوات انها تحتوي على كل المعلومات

hanane كتب:: السلام عليكم
شكرا لك اختي على هدا الموضوع وجازاك الله عنا الف خير
اريد ان اسالك اختي عن اهمية اخد رسم الولادة وشهادة الميلاد والسجل العدلي معي الى مصر مادمت لن استعمل الا شهادة العزوبة للحصول على شهادة عدم الممانعة والتي كما تفضلت وقلت في ردك على احدى الاخوات انها تحتوي على كل المعلومات

وعليكم السلام اختي
راه السفارة تطلب اوراق باش تحصلي على شهادة عدم الممانعة وبالنسبة لسجل عدلي خوديه معك كاحتياط فقط وشهادة ميلاد كدالك في حالة حاجة لهم فقط خاصك تكوني عاملة احتياطات

الله يجازك بخير اختي والله ييسر ليك امورك فالدنيا والاخرة
ادا سمحت اختي لو ممكن نعرف بالنسبة لموافقة الولي فين كتكتب وفين كتتم المصادقة عليها قبل وزارة الخارجية

اللهم امين يااااااااااااااااااااااارب شوفي اختي ممكن تكتبيها عند كاتب عمومي وتوتقيها في المقاطعة والعمالة والخارجية والسفارة المصرية والافضل خلي خطيبك يتاكد واش مطلوبة موافقة الوالي انا ماطلبوهاش ليا واخا كتبتها لان سني قانوني يعني راشدة

شكرا اختي بارك الله فيك وسمحي لي على الازعاج
واش صروري التوتيق ديال السفارة المصرية فكل الاوراق ولا غير فهاد الموافقة او عافاك اختي راني كنت سولت من قبل قالو لي بالي الموافقة كتكتب عند العدول
ودابا انا حايرة معرفتش شنو ندير نوري لي الطريق الله يرزقك الدرية الصالحة ان شاء الله

العفو اختي
ضروري اختي بالنسبة لشهادة العزوبة وموافقة الاب ولازم تخلي خطيبك يسال في وزارة العدل بمصر احتمال كبير ماتحتاجيش موافقة الاب مادام سنك 25سنة توتيف في السفارة ب270 درهم لورقة واي استفسار انا في الخدمة اختي

hanane كتب:: شكرا اختي بارك الله فيك وسمحي لي على الازعاج
واش صروري التوتيق ديال السفارة المصرية فكل الاوراق ولا غير فهاد الموافقة او عافاك اختي راني كنت سولت من قبل قالو لي بالي الموافقة كتكتب عند العدول
ودابا انا حايرة معرفتش شنو ندير نوري لي الطريق الله يرزقك الدرية الصالحة ان شاء الله

انا كتبت لك رسالة خاصة فيها الصيغة الي الوالد ديالك يكتب الموافقة وهي كتكتب عند كاتب عمومي باش يكتبها لك مرتبة وبالداكتيلو او عن طريق الكومبيوتر والوالد ديالك او الولي كياخدها للمقاطعة وكيصادق عليها وكل الاوراق الي مطلوبة كتعاود تتصادق عليها من الخارجية في الرباط

» كل مغربية متزوجة من مصري
» تجربة زواج مختلط بالتفصيل تفضلي تستفيدي
» تفاصيل زواجي بالتوكيل من مصري مع تدييل العقد بالمغرب
» اكسسوارات فضة مغربية حمقاتني
» قريشلات مغربية بالبرتقال