موضوع المصروف و تدبير البيت

ام صفاء شوفي التعديل اللي عملت ليك اللي بالاحمر نقصت شوية بان لي بزاف 3 لتر زيت بلدية و 4 ليتر زيت المائدة

موضوع المصروف و تدبير البيت - صفحة 2 Xls

لاحظتها أختي نتي كتستعملي 2 لتر زيت المائدة حتى أنا غادي ننقص أما زيت الزيتون كناكلها بزاف مكنديرهاش للطياب حيت مكنستعملش الزبدة و الكنفتور و الفرماج فالفطور و الكوتي كنعتمد على زيت الزيتون و الزيتون بالإضافة للملاوي و خبز الشحمة و القريشلات و البتي بان

شوفي يا ام صفاء حتا انا زيت الزيتون كنديرها في كلشي و الطياب اما الفرماج قليل كنديروا انا غير في الكراتان و لكن حنا 5 ي الدار و ما كنفوتش 1.5 لتر زيت بلدية و 2 لتر الرومية كنشيط منها عاد ماشي انا اللي كنطيب ديما يعني المساعدة و راه الخبار في راسك ماشي بحلك انتي كلشي بيديك

لؤلؤة بيضاء كتب:: شفتي بعدة تعلمت كيفاش نصوب جدول وخا ماشي 100/100

تبارك الله عليك يا حنان غير كنشوف الزيت اللي شوية خاصك تنقصي منه و الحليب بانت لي 100 بزاف بالنسبة للبوطات بحالي انا نسيت ما درتهم عندي 2 بوطات و نص في الشهر تقريبا عاد الماء و الضوء عندي ما بين 350 و 400 غادي نصاوب طابلوا بكلشي و تشوفوه

ما زال ماشي يوميا نسيت اتاي والعطرية عاد الماء والضو 200 درهم الماء والضو تقريبا مابين 150 حتى 250 غير هما واش بغاو

لؤلؤة بيضاء كتب:

ممكن نكون نست شي حاجة بالنسبة الكونفتير والفرماج والاشياء ديال الفطور كلها صنع البيت وحتى الشكلاط

45	الدقيق الفورص	المشتريات
35	الفينو5
64	الزيت4م
11	الزبدة500
7	الزيتون
6	الخميرة
5	خميرة الحلوى
11	الشكلاط
16	التمر
100	الحليب
65	ااقمح
13	الاوني
7	الخل
7	العدس1/2
10	الحمص
24	الماكاروني
30	الكسكس3
19	مطيشة الحك
15	البيض
30	التيد
6.5	جافيل
18	الوبيا
123	البوطة3
24	التونة
12	السنيدة2
8	السميدة
12	الفول
32-35	السكر 5 العطرية
16+13	اتاي2

الروز22

هاني ضفت لي تفكرت وشوفي ليا حل للزيت نولي نديره بالمعلقة

انا شوفي يا حنان و ام صفصف بالنسبة للزيت كنصب في الطاجين نص كاس صغير ما بين عود و رومية و بالنسبة للكيك كندير غير نص كاس رومية ما كنديرش كاس و كتجي زوينة و الفريت مرة في الاسبوع و الحوت و الدجاج في الفرن يتحمروا و احسن حاجة استافدت منها هي البرنامج الاسبوعي للاكل كتكوني عارفة راسك اشنوا ديري

كندير الكريصات والفطاير هما فين كيمشي بزاف اما الطياب كنستعمل البلدية مع الرومية الفريت ما كنديروش ناذرا البرنامج دايراها واحيانا كتغيري

مزيان مني كتغيري بالنسبة للمسمن انا كنديروا مرة مرة ولكن بالزبدة بلدية راجلي مانع عليا نكثر الزيت كايتسنط للدكتور الفايد بزاف شحال من حاجة درنا عليها كروا لاداند كذلك

اما اللحم كنجيب كيلو نقسموا على 3 و السمك 2 مرات في الاسبوع و الدجاج مرة وحدة و الاحد عندنا ديما اختيار اما نتغداوا عند ععدوزتي او على برا

]size=24]تبارك الله عليكم خصني نقص من الزيت و حتى فكرة نقص من كاس الزيت فالكيكة واعرة حيت بحال هاد الفتافت الي يستهلكو الزيت الحوت الى شريت نص كيلو فالشهر حيت ما يبغيوهش الدراري [/size]

لاجئة ضروري تبززي على ولادك الحوت حيث مهم بالنسبة للنمو ديالهم انا راه واخة ما كيبغيهش سيمو كنبقى نقي ونحط ليه بزز حتا ياكل و دابا ولفوه باهم عزيز عليه الحوت ما يكرهش ياكله يوميا
لاجئة شفتي فين كاين شات

السلام عليكم ورحة الله

ك واحدة تحيد من فلوس الشهر فلوس الحاجات الي باينة ورقمها ما كيتغيرش

بحال الماء والضو والتلفون والانترنت

تخلي غير فلوس الاكل والشرب فقط ومنو تقتاصد وفغي نفس الوقت تاكل اكل متنوع ومغذي

انا يمكن نحط بعذض الحاجات الي الناس كتعرف تخرج منها كثير وتقسمها على الاسبوع

نقد نحطها في موضوع خاص باش هدا نخليوه غير للجدول

اشنو رايكم

؟

ام محمد و اية كتب:: انا شوفي يا حنان و ام صفصف بالنسبة للزيت كنصب في الطاجين نص كاس صغير ما بين عود و رومية و بالنسبة للكيك كندير غير نص كاس رومية ما كنديرش كاس و كتجي زوينة و الفريت مرة في الاسبوع و الحوت و الدجاج في الفرن يتحمروا و احسن حاجة استافدت منها هي البرنامج الاسبوعي للاكل كتكوني عارفة راسك اشنوا ديري

بلنسبة للزيت في الطاجين او الكاميلة جوج معيلقات كبار كا فيين غادي تقولو المرقة ميهة كاينة طريقة تخليها خاترة زيدي معلقة ديال الطحين مطلوقة في الماء وديرها في الطاجين او الكاميلة وحركي المرقة غادي تختار وهانتي للتي الزيت وبببنتي المرة جربوها في مرة وردو عليا لخبار

ام محمد و اية كتب:: اما اللحم كنجيب كيلو نقسموا على 3 و السمك 2 مرات في الاسبوع و الدجاج مرة وحدة و الاحد عندنا ديما اختيار اما نتغداوا عند ععدوزتي او على برا

اوى فين هي البقوليات شفتكوم ناسيينها ههههههههههههه راها مهمة وتعويضية وموفرة فيها كل الميزات

غادي نوريكم كيف تعملو الكشري ويكون وجبة كاملة ان شاء الله

لازم البقوليات جوج مرات في الاسبوع وملي تعملوها ديرو جنبها التون أي شلاضة ديال الطون تكون اكلة كاملة ومكمولة

ام عبد الرحمن كتب:: بلنسبة للزيت في الطاجين او الكاميلة جوج معيلقات كبار كا فيين غادي تقولو المرقة ميهة كاينة طريقة تخليها خاترة زيدي معلقة ديال الطحين مطلوقة في الماء وديرها في الطاجين او الكاميلة وحركي المرقة غادي تختار وهانتي للتي الزيت وبببنتي المرة جربوها في مرة وردو عليا لخبار

هادي ما عمرني سمعتها دابا نجربها يا ام عبدو و نرد عليك الخبار

ام عبد الرحمن كتب:

ام محمد و اية كتب:: اما اللحم كنجيب كيلو نقسموا على 3 و السمك 2 مرات في الاسبوع و الدجاج مرة وحدة و الاحد عندنا ديما اختيار اما نتغداوا عند ععدوزتي او على برا

اوى فين هي البقوليات شفتكوم ناسيينها ههههههههههههه راها مهمة وتعويضية وموفرة فيها كل الميزات

غادي نوريكم كيف تعملو الكشري ويكون وجبة كاملة ان شاء الله

لازم البقوليات جوج مرات في الاسبوع وملي تعملوها ديرو جنبها التون أي شلاضة ديال الطون تكون اكلة كاملة ومكمولة

ايوا هادشي لاش حلينا الموضوع باش نستافدوا من افكار بعضنا يلاه اختي امينة بداي انتي و احنا معاك

انا بعدا في الغداء ضروري شلادة بالروز و طون و شوية الخضر مصلوقة عاد طاجين مخضر بنوع من الخضر او بصيلة و زبيب اما الا كان طاجين منوع بالخضر كنكتفي بشلادة مطيشة و الخيار او فلفلة كمقدمة
و نهار الحوت طبيسلات بالعدس و طبيسلات ديال زعلوك

» الي عندها البرودة في البيت
» خبز النان في البيت
» موضوع جميل عن الصداقة ........!
» 6 طرق تقلل مصروف البيت
» تحف واكسسوارات لتزيين البيت