موضوع: كانيلوني بالدجاج و الصلصة البيضاء من مطبخي *بالصور* الخميس يونيو 23, 2011 12:38 pm
أخواتي و حبيباتي في الله السلام عليكم و رحمة الله و بركاته
اليوم عندي ليكم وصفة رائعة بكل ما تحمله الكلمة من معنى.الكل كيعرف الكانلوني بالكفتة وصلصة الطماطم و لذلك أنا جربتهم بطريقة مختلفة و قلت نشارككم تجريبتي. نتمنى تعجبكم و تحضروها حتى أنتم لوليداتكم.
بسم الله نبدأ
المقادير:
علبة كانيلوني من النوع الممتاز صدر دجاج مقطع بصل ثومة زيت+ملح+ فلفل أسود جبن أبيض فطرمعلب/شامبنيون
لتحضير الصلصة:
بيشاميل خفيف ضامة كنور الدجاج الجبن أحمر محكوك
الطريقة:
ناخدو طنجرة نديرو فيها الماء و شوية الملح و الزيت و نخليه يغلي.و نحضر اناء فيه ماء بارد و بلاطو مفرش بالورق النشاف. ملي يغلى الماء ناخد الكانيلوني بوحدة بوحدة و نحطهوم فالماء الغليان و نخليهم 2 دقائق أو 3 على الأكثر و ملي نهزهم نوضعهم مباشرة فالماء البارد باش ما يتبقاو قابطين فراسهم و يمكن لينا نعمروهم بسهولة.نصفيهم من الماء البارد و نحطهم على الورق النشاف . نستمر بنفس الطريقة حتى نكمل الكمية اللي عندي.و نخليهم لحين نحضر الحشوة.
فمقلاة فوق النار ندير شوية الزيت و نضيف البصل و الثومة ونخليهم يتشحرو مزيان نضيف قطع الدجاج و الملح و الابزار و في الأخير نضيف الفطر و نخلي الكل يتشحر حتى يطيب الدجاج و الفطر ينشف من الماء.نخلي الخليط يبرد مزيان و نطحنه فالطحانة الكهربائية مع الجبن الأبيض.و ها الحشوة واجدة.
نحضر بيشاميل كيف العادة و تكون خفيفة يعني ما نكثر الدقيق فيها و نسمها بالملح و الابزار و الضامة البنة و شوية جوزة الطيب اللي كيعجبه مذاقها.
ناخد إناء اللي كيدخل الفرن و نفرش فيه نصف البشاميل اللي حضرت و النصف التاني نضيف عليه الجبن المحكوك و نحتفظ بيه
ناخد الحشوة اللي طحناها من قبل و نديرها فجيب حلواني أو غير بلاستيكة نقية و نتقبها باش يسهال علينا نحشيو الكانيلوني.
نستف القطع المحشية فوق البيشاميل
ملي نكمل نصب البشاميل اللي بقا لينا و خلطناه مع الفروماج من الفوق.
و ندخلوه الفرن حتى يتحمر.
.
نتمنى يعجبكم هاد الطبق و تجربوه. لكن تحيتي و خالص محبتي
موضوع: رد: كانيلوني بالدجاج و الصلصة البيضاء من مطبخي *بالصور* الإثنين يونيو 27, 2011 12:40 pm
قطر.الندى كتب:
ما شاء الله عليك طبق رائع جدا خصوصا انني من عشاق المعجنات بكل انواعها تبارك الله عليك و الله يعطيك الصحة و يجازيك بكل ما كتتمناي
الله يبارك فيك الحبيبة ديالي و ربي يجازيك خير الجزاء .دائما مرورك و ردك الرائع كيدخل الفرحة على قلبي.الله يفرحك بوليداتك و يخليك ليهم تبرعيهم بالشهيوات . مادامك من عشاق المعجنات ,نتمنى تجربي هاد الوصفة و إن شاء الله تعجبك و تعجب الوليدات الله يحفظهم .
راضية بقضاء الله و قدره كبار الشخصيات ومديرة سابقة
موضوع: رد: كانيلوني بالدجاج و الصلصة البيضاء من مطبخي *بالصور* الإثنين يونيو 27, 2011 12:45 pm
مسلمة وافتخر كتب:
تبارك الله عليك اختي طبق روعة ماشاء الله تسلم الايادي
الله يسلمك و يبارك فيك الحبيبة ديالي.تواجدك بالمنتدى و ردك على المواضيع كيفرحني بزاااف.ربي يجازيك كل الخير و يخليك ديما منورانا و منور منتدانا. كل الشكر و التقدير لك أختي على المرور الكريم و الرد الطيب.
???? ??? زائر
موضوع: رد: كانيلوني بالدجاج و الصلصة البيضاء من مطبخي *بالصور* السبت مارس 03, 2012 8:00 pm
موضوع: كانيلوني بالدجاج و الصلصة البيضاء من مطبخي *بالصور* 
