موضوع: السفة المردومة الثلاثاء مايو 17, 2011 4:23 pm
لتحضير هاد الطبق غنحتاجو لنصف كيلو شعرية السفة وغنحتاجو للدجاج يكون طايب بشوية البصلة والربيع والعطرية الملح الابزار سكينجبير الخرقوم و شوية السمن انا فهاد الطبق طبقت فكرة الاخت ام عبد الرحمان مشكورة ديال حبة محمرة و حبة بيضاء كناخدو حفنة من الشعرية و نقليوها فالزيت حتى تتحمر ثم نضيفوها لباقي الشعرية ونخلطوها بشوية الزيت
من بعد كنديروها فالكسكاس حتى تفور و نفكوها بالماء و شوية الزيت ونعاودو نرجعوها للكسكاس ونبقاو هكا حتى تطيب فالفورة الاخيرة نضيفو ليها شوية الملح و الزبدة تقريبا 2معالق كبار ملي طابت ضفت ليها شوية السكر ووضعت النصف ديالها فالطبسيل
من بعد حطيت من فوقه الدجاج
و عاودت غطيتو بالسفة لي باقا عندي وزينتها بخطوط ديال القرفة وشوية اللوز مهرمش