بالنسبة لخبز السندويتش كنحتاجو
دقيق ابيض _ خميرة معجونة_ شوية زيت الزيتون _شوية الموطارد_ شوية الزعتر مطحون _ ملح_قبصة ديال السنيدة
كنخلطو العجين بالماء الدافئ وندلكوها حتى كنحصلو على عجينة متجانسة و طرية كنشكلوها على شكل كوميرات صغار و نغطيوها و نخليوها تخمر
من بعد ما كتخمر كندخلها للفرن حتى تطيب
بالنسبة للحشوة ممكن تديري اي حاجة بغيتي و متوفرة عندك انا هنا درت خضر مشحرة و الطون والخص و
الزيتون وفرماج السندويتشات
الخضرة درت خيزو والكرعة والفلفلة حكيتهوم و شحرتهم في المقلة مع الزيت والعطرية
كندهن السندويتش بالمايونيز ونوضع شوية الخص مقطع وفوقه شوية الخضرة والزيتون والطون وقطعة من الفرماج وكندير
السندويتشات في الة البانيني باش يدوب الفرماج شوية
ونقدموهم مع بطاطس مقلية و سلطة و عصير
بالصحة و الراحة
موضوع: سندويتشات منزلية 
