السلام عليكم و رحمة الله و بركاته
كيف عاملين حبيباتي اتمنى تكونو بالف خير. ربي يحفظكوم
هاد الصابلي عملتو مؤخرا و بغيت نشاركوم بيه نتمنى تجربوه راه اقتصادي و زوين.
الفكرة خديتها من منتدى اخر مع بعض الاضافات الشخصية
المقادير
2 بيضات
125 غ سنيدة
125 غ زبدة تكون رطبة
قبيصة الملح
قشرة نصف برتقالة محكوكة
معلقة زيت
ربع خمارة
دقيق حسب الخليط
و بالطبع شكلاط فيرميسيل جهد 3 ملاعق تقريبا و يمكن تزيدو نتوما و ذوقكوم
الطريقة
نخلطو الزيدة الملح و السكر حتى نحصلو على كريمة
نضيفو الزيت و نعاودو نخلطو ثم البيض و قشرة البرتقال و نخلطو
نضيفو الدقيق مغربل و الخمارة حتى يتجمع
خاص العجينة تكون رطبة شوية راكوم عارفين عجين الصابلي كيفاش خاصو يكون
و في الاخير نضيفو الشكلاط شعرية
نديرو كويرات صغار و نزوقوهوم بمرشم و ندروهوم فلاطة مدهونة
ندخلوهوم يطيبو في فرن معتدل
و بالصحة و الراحة
موضوع: صابلي بالشكلاط فيرميسيل 
