[center][size=24]
اخواتي كيف دايرين غنقدم ليكم هاد الصابلي الي كيجي زوين ولذيذ
هاد العجينة هي الي كنعتمدها فحلويات المراشم كيبقى اختيار الاشكال وطريقة التزيين حسب الرغبة
250 غرام الزبدة_ 4 البيضات _2كيسان سنيدة _ كاس زيت _خمارة _ فانية _ قشرة حامضة محكوكة _الدقيق حسب الخليط _شكلاط _عقيق فضي
كنخلطو الزبدة مع السنيدة و الفاني و قشرة الحامض حتى كيتجانس الخليط ثم كنبداو نضيفو البيض وحدة بوحدة من بعد كنزيدو الزيت ونضيفو الدقيق والخمارة العجينة تكون ما قاصحة ما مرخوفة بين وبين
كنطلقو العجينة بالمدلك ونقطعوها على شكل مثلثات
و قطعت وريدات صغار زينتهم بالعقيق الفضي
كنوضعوهم فالاطة وندخلهم للفرن حتى كيطيبو
من بعد كنلصق كل 2 مثلثات بالشكلاط و نوضع فوقهم شوية الشكلاط و كنوضع وردة
وهذا شكلهم النهائي
موضوع: صابلي المثلثات من مطبخي بالصور 
