مقادير العجينة
250غ الطحين الابيض
1بيضة+نصف معلقة صغيرةالخميرة الخبز
1معلقة كبيرة السكر+معلقة صغيرة الملح+ماء دافى العجن
الطريقة خلط المقادير الجافة من بعد زيد البيضة والماء بشوى بشوى حتى ترجع العجينة مخلطة مزيان ومدلوكة بحل العجينة د الخبز
نخلوها ترتاح مدة15دقيقة نقسموها الى كرات صغيورين بحال اللى فى الصورة
من بعد نطلقو العجينة بالمطلق ونخلوها رقيقة ورشو شوى طحين باش متلسقشى العجينةنعملو مقلة تقيلة فوق العافية تكون سخونة وعلى عافية متوسطة
ومن نعملو الخبز فى المقلة نقلبوها داغية باش تنفخ ومنين نكملو الخبز كامل نعملوه فى بلاستيكة باش مايقصاحشى
دابة نشوفو الحشوة
نص كيلو الصدر الدجاج او بيبى انا عملت بيبى خليتو ليلة كاملة مرقد فى الثوم وعصير الليمون
وقطعت طريفات رقوقين
ومن بعد نعملو الدجاج في مقلاة فيها شوية الزيت ونزيدو عليها الابزار والملح والعطرية الخاصة بالشورما ونشحروها مزيان باش تدخل العطرية مزيان فى الدجاج وخليها حتى طيب
هنا قطعت البصلة كبيرة مربعات صغيرة وعملتها فوق العافية مع شوى الزيت و الملح والابزار بلا متحمر
ومن بعد ضيفت البصل على الدجاج
وباش تعطيها نكهة خاصة بحال دالمطاعم او احسن شفت هده الفكرة فى واحد المنتدى وجربتها وفعلا كاتجى بحال دالمطاعم
جيبت واحد الفحمة مشعولة وفرشتلها كاغيط المنيوم فى وسط الدجاج وعملت فوق الفحمة شوى الزيت اوالزبدة ونغطيها حتى تاخد بحال ريحة الشوا ومن بعد زولا عندك تخليها هههههههه
ودبى وصلنا لاصوص
نصف كاس صغير طحينة+1سنيونة الثوم محكوك+ماح+ملعقة كبيرة زيت زيتون+واحد دانون مسوس+عصير الليمون حسب الدوق انا عدلت ليمونة
يخلط اولا الثوم مع الملح حتى يدوب تقريباثم يضاف الطحينة والليمون ونخلطو مزيان ومن بعد نزيدو الدانون بشوى وفى الاخير زيت الزيتون(خلطتو فى مولنيكس)
وهنا جبت البصل+ مطيشة + الكورنيشو (وزيدو الخس انا مكنشى عندى)قطعتهوم مربعات صغار وزدت عليهم لا صوص لعدلت
وفى الاخير جبت الخبزفتحتوودهنتو
بشوية لا صوصووزديت عليهم
البصلة+مطيشة+كورنيشو اللى مخلطين بلاصوص اللى عدلت
عملتهوم فى الة خاصة بانينى وقدمتهوم مع لصوص
لا تنسونى و صاحبة الموضوع من خالص الدعاء لها ولزوجها واولادها
منقول
موضوع: شاورما الدجاج منقول 
