ديسير بارد و لذيييذ

بسم الله الرحمن الرحيم

السلام عليكم ورحمة الله وبركاته

فكرت نشاركوم بهاد الديسير الجد منعش و لي كينفع فهاد الصهد نتمنى يعجبكوم و تجربوه

نبداو على بركة الله

المقادير:

نص لتر حليب + 2 معالق كبار مايزينا + 2 معالق كبار سنيدة (أو حسب الرغبة)+ 2 خنيشات فانيل( أو م ص مركز فانيل)

نص لتر عصير برتقال + 2 م ك مايزينا + 2 م ك سنيدة

حبات من الفاكهة نقطعوهم صغار

الطريقة:
كنديرو الحليب فوق النار كنزيدوه
السكروالفانيل و نحركو، كناخدو كاس نديرو فيه مايزينا و شوية من الحليب ولا
الما، نخلطو مزيان و نزيدوه على الحليب و نحركو بالطراب بدون توقف باش ما
يتكورش و ما يلصقش لينا. و تكون العافية مهيلة. حتى يقبط الخليط و يولي على
شكل كريم. نخلوه يبرد و نخلطو معاه حبات ديال الفواكه مقطعين صغار ( أنا
استعملت التفاح و لكن يمكن تختاري اللي حبيتي)

و تعمري بيه الكويسات حتى للنص و تحطيه فالثلاجة.

كتاخدي عصير البرتقال كتستخدمي نفس الطريقة ولكن أنا ما ضفتش ليه طريفات
دالفاكهة. كتخرجي الكويسات من الثلاجة، خاص يكون الحليب عاقد باش مايتخلطوش
لينا. و نزلو الخليط بشوية.

من بعد كنزينوه إلا بغينا بالكوك أو الشعرية دالشكلاط....أنت أو ذوقك

ترجعيه للثلاجة حتى يبرد و بالصحة و الراحة.

تبارك الله عليك الزين
فعلا دسير رائع و منعش مع هاد الحرارة.حتى أنا كنحضرو و كيعجب العائلة كلهم.
الله يعطيك الصحة الحبيبة و يجازيك خير الجزاء على مجهوداتك المميزة.

ديسير بارد و لذيييذ 512108193

راضية بقضاء الله و قدره كتب:: تبارك الله عليك الزين
فعلا دسير رائع و منعش مع هاد الحرارة.حتى أنا كنحضرو و كيعجب العائلة كلهم.
الله يعطيك الصحة الحبيبة و يجازيك خير الجزاء على مجهوداتك المميزة.

الله يبارك فيك الزين. ربي يخليك و لهلا يحرمني من طلتك و تواجدك المميز

و الله يرحمنا احبيبة . هاد الصهد سالا معانا

تبارك الله عليك ديسير غزال بحال مولاتو الله يعطيك الصحة

مركز تحميل الصور[/URL]

قطر.الندى كتب:: تبارك الله عليك ديسير غزال بحال مولاتو الله يعطيك الصحة
مركز تحميل الصور[/URL]

الله يبارك فيك الزين. راه نتي لي غزالة الله يحفظك ليا ماااااااااح عليك ههههههه

الله يعطيك الصحة الحبيبة و يجازيك خير الجزاء

» ديسير بارد راقي جدا وسهل
» عصير بارد الحامض
» فاكهة ديسير بطريقة رومانسية
» حلى بارد راقي منقول لروعته
» ديسير بالباربا لذيذ بزاف*منقول لكن مجرب*