دانون ورايب فنفس الوقت

لسلام عليكم ورحمة الله
اخواتي يشرفني نقدم ليكم هاد الوصفة لي خديتها من مول المحلبة هو قالي انهم كا يديرو 7 ديال دانون في 20 لتر من الحليب وانا قلت باركة غي 1 دانون فلتر من الحليب 2 معالق من السكر كا نجيب لتر ديال حليب طري كا نديرو يفيض وكا نخليه حتى يبرد شوي كا نزيد فيه 2 معالق ديال السكر و 1 دانون كا ننطر بهم مزيان بالخلاط الكهربائي و كنفرغو فالكيسان الا كان الجو بارد كا نسد عليهم فكو كوط بها ماء سخون اما الا كان الصيف والجو سخون كا نحطهم غي ف الفران بلا ما نسخنو وفاش كا يوجد كا نخليه اما دانون او كا نضيف ليه روح الفستق او روح الفريز والملون على حسب الدوق الى بغيتو اولي رايب جاري و كا نخلطهم بالخلاط نتمنى تعجبكم الطريقة و تجر بوها

طريقة زوينة وزساهلة حتى انا مجرباه بطريقة قريبة لهادي ديالك
وكيجي بحال الرايب ديال البيسري
نصورها ونحطها هنا ان شاء الله

بارك الله فيك أختي أم عبد الرحمان

تبارك الله عليك فعلا هاد الطريقة مجرباها وتتجي زوينة