الاقتصاد في الكوزينة حتى حاجة ما تضيع

السلام عليكم ورحمة
الله

القرقارة / البلاعة / لكانت تطلق
ريحة غير محببة
عملي فيها طرف ديال الكوفار

الى شاط ليك الفلون عمليه في
الخلاط مع عصير البرتقال وهاهو عصير سهل ومنعش .
الى كان الفلون ديال الشكلاط
طحنيه مع الحليب وهاهو عندك chocolat froid.

الا قدامت لك فرشة الاسنان
مترميهاش حيت غديا تحتاجيها ملي تكوني تنضفي الحمام الفرق بين الزليج ملي تيكحال مع
الرطوبة ديال الماء والدخان
خودي بيكاربونات الصودا خلطيه مع الخل وكوني مثل
عجينة وهزي بديك الفرشة وحطي بين الفروق وخليها ديك 3 دقايق حتال 5
وخودي ديك
الشويتة حكي البلاصة اللي درتي فيها ديك العجين واجي ردي علي
الخبار

كذلك الحلفة ديال الماعن ملي تقدام لك شوية هاديك لنصفها اصفر
واخضر مترميهاش ديريها فطواليت
ملي تبان لك شي طبعة تحتجيها باش ترشي وتحكي
وتمسحي وها الطبعة مشات

كنحك بيها حتى هاديك الجلدة لي فجناب
الثلاجة ملي كنغسلها حيت الحلفة مكدخلش مزيان لكن فرشاة الاسنان كدخل او كتناقيها
مزيان
دمتن بود

المرقة ديال كسكسو إلا شاطت ليا كانديرها فالمجمد ونهار
كانبغي ندير لي باط بالخضر كانسلقهوم فديك المرقة وكايجي رائع..

المرقة
ديال كسكسو الى شاطت ليا تنزيد عليها شوية كنور تنطيب به روزلسبق ليه تسلق من
قبل
تيبقى يغلى فيه حتى يشرب الروز لمريقة مزيان غير ينشف شوية نقدمو
راه
تيجي غززززال وشراب بنة

للحفاظ على الدقيق لمدة أطول نحتفظ به في ثلاجة غير
تحت

إدا كان عندك الطحين بزاف رمي معاه الملحة الحية بكثرة و سودي عليه
مزيان ميوقعلو والو ونين تجي تستعملو غربلو و غادي تبقى الملحة فالغربال حي كتكون
غليضة بزاف عاود الرجعا على الطحين المخزن و هادالطريقة معتامداها ماما و راها
ناجحة 100/100

وحتى وريقاتعصا سيدنا موسى كتقوم بنفس الغرض

لموهيم
كاتجيبي لقدر لي بغيتي او لي عندك فداك من تومة او كاتفوريها ف كسكاس مبعد ما
كاحليها ولكين كاتخليها بقشورها
يا اما كاديريكا تفور ولا كاديريها فالفران شوية
حتا كترطاب وكاتحيديها. كضتخليها حتا كاتبرد وكاتبداي تحيديلها لقشور ديك شاعات
كاتجيبي
لكقلا وكاديري فيها زيت لبلدية او تومة كاديريها مفوق لبوطة ونتي
كتمعسيها بلمعيلقة حتا كاتولي بوماط
وصافي كاتيديها وكاديريها فشي طاصا وتكون من
الاحن ديال زاج وكاديريها فتلاجة كاتقا مدة طويلة وما كاتخسرش وكل كا حتاجيتي
كاتجبدي وكاتاخدي غا لقياس لي بغيتي وكاترديا لتلاجة

العاصي ديال لافوكا
كانديرو لعاصير بزاف
العاصير ديال لافوكا ملي كاطحنيه وكايبقا بزاف كايكحال
داكشي علاش اى مابغتيهش يكحال كاديري مكعاه لعطم ديالو كايبقا كما هو
مكايكحالش

لحم ملي كاتجبديها من المجمد وماكاتبغيش ديريها كاملا وماكاتبغيش
دوب ليك من تلح داكشي علاش ديري معاها شوية ديال لما او لملحة كاتخليها دوب
دغيا
كانتمنا نكون فدتكم وخا غير شوية و انا الى رجعت تفكرت شي حاجا مغاديش نبخل
على خوتي فحتا شي حاجة

بالنسبة للفلون الى عملتيه
بالطريقة التقليدية بالبيض فممكن تحفظيه فالثلاجة مدة 3 الى 4 ايام
اما الى
عملتيه ببودرة الفلان سريعة التحضير ففمكن تحفضيه مدة اطول ممكن تتجاوز
الاسبوع

شخصيا مكنجمدش الخضار
الا الجلبانة هي للي
كنكونجلي
لله الحمد باقي الخضار موجودة طيلة السنة فمكتكونش الحاجة
لتجميدها

لكن كنغسلها و نقيها و نشفها و نقطعها بالاشكال و الاحجام و
الكميات للي غنحتاج فالاسبوع
(للسلطة والطاجين و الڭراتان و غيرها
...

و بعدها كنديرها فالبلاستيك الغذائي و نحفظها فالثلاجة
بطريقة السوڤيد Sous-vide
كل يوم كنجبد الخضرة جاهزة نقية ومقطعة و مغسولة كيبقى
لي غير نطيبها

لو بغيت نكسب وقت فتحضير السلطة كنبخر الخضار ديال
السلطة
بعد منقيها و نقطعها على الاشكال للي بغيت و كنحفظها فعلب او بلاستيك
غذائي فالثلاجة مدة 2 ايام الى 3 ايام
بهاد الطريقة كيكون تحضير السلطة اسهل و
مكياخذش وقت

» اناقتك في مطبخك ...اليك فواطات *طابليات الكوزينة*
» لكل من له له حاجة دعاء قضاء الحاجة
» ان كانوا في حاجة اعانتهم الملائكة تدكرة من النبي الكريم