السلام عليكم حبيباتي
دجاج بالاعشاب و محمر
3 او 2 دجاجات ديال 2 كيلو- 5 ضروس الثومة - 2 وراق سيدنا موسى- 2 عراش النعناع- 2 معالق اليازير مطحون- ملعقة الاعشاب الخمس المنسمة سيري عند العطار و سولي عليها - شوية زعيترة- ابزار - ملح- ملعقة الهريسة -2 معالق لاموطارد نخلط الكل في مولينكس حتى يولي الخليط بحال كريم و ندهن به الدجاجات من برا و الداخل و نحط داخل كل دجاجة عود النعناع و عود اليازير و شوية الزعيترة و نخليهم مرقدين و من الاحسن نرقدهم بالليل و في الصباح غلفيهم بالاليمنيوم دخليهم الفران شعلي الفوق و الاسفل و منين يطيبوا حيدي الورق و حمريهم و سقيهم بالصوجا مخلطة مع زعتر و شوية لاموطارد و قدميهم في طبق مع شوية الخضر مصلوقة و مسوطيا في شوية الزيت+ثوم + عطرية كيجي لذيذ.
موضوع: دجاج منسم بالاعشاب و محمر