السلام عليكم ورحمة الله تعالى و بركاته
جبت ليكم واحد الكيك ساهلة كنت خديتها من واحد البنت و جربتها وعجباتني حيت كتجي بنينة و معلكة،وقيت معتمداها من سنين ويلاه كتاب نحطها ف هاد لمنتدى
المهم بسم الله كنحتاجو ل هاد الكيك
مقاديـــر للسيرو؛
كاس الماء
كاس السنيدة
كاس زيت
4 معالق كاكاو
نديرو كلشي فوق عافية مهيلة لمدة 10 دقائق و نخليوه يبرد على جنب
مقادير لكيك:
4 بيضات
كاس الا ربع سنيدة
كاس الا ربع زيت
كاس من السيرو لي حضرنا من قبل
2 كيسان الدقيق
2خمارات
نخلطو لبيض مع سنيدة،ونزيدو الزيت و كاس من سيرو لي حضرنا
كنزيدو دقيق وخمارات
نديروها في مول مدهون و مرشوش بدقيق وندخلوها الفران يكون مسخن من قبل
هنا بعد ما طابت
كنتكوها كلها بالفورشيط او عود الاسنان و نخويو عليها السيرو المتبقي غير بشوية
ونخليوها تبرد كتجي معلكة و كدوب في الفم
و هاد طريف لاول وحدة تدخل
موضوع: كيكة معلدة ولذيذة 