موضوع: معقودة على شكل كراتان من مطبخي بالصور الأربعاء أبريل 06, 2011 8:14 pm
أخواتي الحبيبات
هاد المعقودة خديتها من واحد المنتدى و جربتها و جات زوينة في المداق و الشكل .طريقة تحضيرها سهلة بزاااف و مقاديرها غير مكلفة و موجودة فكل بيت.نتمنى تعجبكم و تجربوها.
المقادير:
3 بطاطات متوسطة الحجم بصلة مشلظة أنا استعملت البصلة الخضارية المعدنوس زيتون أخضر مقطع 5 بيضات فروماج أحمر محكوك أو أي نوع فروماج كاشير محكوك أنا استعملت كاشير الحار علبة صغيرة طون مقطر من الزيت ملح + ابزار+ زيت
طريقة التحضير:
نغسل البطاطات مزيان و نصلقهم بقشرتهم.ملي تطيب البطاطا نقشرها و نطحنها فالطحانة اليدوية و نخليها جانبا نشحر البصلة فشوية الزيت و الملح و الابزار .نزيدها على البطاطا و نزيد عليهم المعدنوس مقطع رقيق و الزيتون مقطع و الفروماج محكوك و نخلي شوية للتزيين.نضيف كاشير محكوك و الطون . نهرس البيض فزلافة و نطربو شوية نزيد ليه شوية الملحة و الابزار و نصبه على الخليط و نخلط حتى تندمج جميع العناصر. نصب الخليط فمول ديال الفران يكون مدهون بالزبدة و ندخله للفرن متوسط الحرارة حتى تنفخ و تحمر .نخرج المول من الفرن نرش عليها الفروماج المحكوك و نرجعها للفرن و نطفيه.
و هدا شكل المعقودة ملي خرجتها من الفرن.
اللهم أدمها نعمة و بارك لنا فيها و احفظها من الزوال