طرقة عمل لحم الاعراس

السلام عليكم ورحمة الله

هاد طريقة لقيتها فواحد منتدى وجرنتها وتاتجي زوينة غير جربوها

مثلا عندنا 5 كيلو والطياب ديال البرقوق باللوز و المشماش بالكركاع
كنشرملو اللحم كاس ماء كبير ملعقة كبيرة سكينجبير ملعقة بزار ملعقة ملح كاس زيت الزيتون حكي اللحم خليه مرقد ششوي
ندوز للنصيب : 2بصلات مشلظين راهوم كافيين الا زدتي غدي يجي متختخ هانا علمتك زعفران حر و ملون ،ملعقة الخرقوم الطنجرة خصها تكون واسعة
حطي اللحم وغلي 2لتر من الماء وضيفيه عليه بلا تشحار ويلا كان اللحم صغير 1لتر من الماء راه مخصوش يتشحر وضيفي الرزيمة لي فيها عويدات القرفة بزايد بسيبيسة ونويويرة وحبات من لبزار حبوب وعويد ديال سكينجبير كاس زيت الزيتون ماشي
الرومية خلي اللحم ديالك يطيب مزيان على نار هادئة
يطيب اللحم حيديه وديريه في اللاطة ودخليه للفرن يتحمر ششوي مشي تيبسيه و حيدي الرزيمة من المرق وبداي كتجمري الطياب ديالك حتا يولي احمر وردي مع التحريك المستمر يمين شمال ومتخليش الدغميرة تلصق اللحم في الطنجرة وقلبيه فهديك الدغميرة

بالنسب للبرقوق و المشماش كناخدو المرقة من اللحم أثناء الغليان عنداكي أثناء الغلياننننننننن ونطيبو فيه البرقوق و المشماش لي كنكونو فزكناهوم فالماء ساخن باش تزول لكحولة كنوضعو القرفة عواد على البرقوق ونصبو مرق اللحم ششوي ديال الملح ونخليوه يطيب مزيان عاد كنضيفو لعسل حسب الذوق ونعسلو البرقوق و المشماش مزيان منبعد نضيفو ليه ملعقة من الزبدة باش يلمع
اللوز كنصلقوه ونقليوه ونخليوه يبرد حتى لوقت التقديم أما الكركاع فلا .. خصو حتى الوقت بوقتو
كنشدو السكر سنيدة و نذوبوه متل الكراميل ونبقاو كنحطو كل كركاعة في الكراميل ونحطوه فوق المشماشه عنداكي يدك تحرق حذاري غي بشوي عليك فكولشي متزربيش وتندمي متافقيننننننننن
وبالصحة والراحة نتمنى نكون وصلت ليكوم معلومات طريقة الطبخ ديالي في الفراح

نصائح ضرورية جدا فالطياب للفرح
احترام مقادير الملح جدا
اللحم راه كيطلق لملوحة الزيت مشي الرو مية دائما البلدية ( زيت الزيتون)
الاعشاب المنسمة فرزيمة ضروري باش متشتتش ليك ومتعرفيش تجمعيها
الغاز و الفورنو خصو يكون على نار هادئة و متوسط الجهد ونصيحة ضرورية الزربة بلاش كل حاجة عطيها وقتها
حتافظي على يديك حتارسي على جسمك كلو في المطبخ ولي غلباتك عيطي على المساعد
تحياتي أخواتي

منقول للفائدة

جزاك الله خيرا على النصائح

بنت العرب كتب:

العفو حبيبتي كلنا نتعلم

قطر.الندى كتب:: جزاك الله خيرا على النصائح

جازانا الله واياك حبيبتي شكرا لمرورك الكريم

» طورطات الاعراس ملف جميل جدا
» دجاج الاعراس والمناسبات باسراره من المطبخ المغربي