الطنجية المراكشية في الكوكوت
الا جاوك الضياف على غفلة تقدري ديري طنجية بالخف و تسدي عليها و تمشي تجلسي معاهم مع الشاي و شوية الحلوى بينما تطيب
1.5 او 2 كيلو اللحم نقيه شوية من الشحمة و لوحيه في الكوكوت بلا زيت + كركوبة الثومة منقية و صاينة+ 5 معالق الكامون+ 2 معالق السمن+ 3 قشور الحامض مصير اللب حيديه ما ديريهش 3 و ريقات سيدنا موسى بلا ما ديري الملح حيث المصير كيكون مالح و ربع كاس الماء و سدي الكوكوت و حليه يطيب لمدة ساعة على عافية مهيلة جدا و منين تحلي الكوكوت قلبي اللحم الى طاب قدميه للضياف و بالصحة و الراحة
نفس المقادير ديريها للدجاج مقطع و بلا جلدة حتى هي كتجي زوينة
موضوع: الطنجية المراكشية بطريقتي في الكوكوت 
