كيش بال pain de mie بالصور من مطبخي المتواضع

أخواتي و حبيباتي في الله
اليوم جايبة ليكم طريقة جديدة لتحضير الكيش.باش نخفف من الدهون في الأكل و
بدلا من العجينة المورقة استعملت ال pain de mie و اللي متوفر في الأسواق
التجارية الكبرى و بثمن مناسب جدا..

كيش بال pain de mie بالصور من مطبخي المتواضع 13250772071

بسم الله نبدأ

المقادير:

خبز pain de mie
بصلة كبيرة مشلظة
بورو مقطع رقيق
زيت
ملح +ابزار
علبة طون
علبة فطر (شامبينيون)

صلصة الكيش
3 بيضات
كاس صغير حليب
4 فروماجات لافاش كيري(استعملت فروماج خالي الدسم)
فروماج أحمر محكوك (اختياري)

الطريقة:

كناخدو المولة ديال الكراتان أو أي مول عندك المهم اللي يصلاح
للتقديم.ندهنو بالزبدة مزيان.ناخد الخبز نحيد ليه الحواشي و نخلي غير
اللبابة و نلبس المول كله بالخبز و حتى الجناب كيف كيبان في الصورة و نحاول
ما نخلي حتى مكان فارغ.

فمقلة فوق النار ندير الزيت و البصلة و البورو نملح و نخلي الكل يتشحر حتى
تدبال و يتغير لونها و تتحمر.نقطع الشامبينيون و نضيفه .نزيد الابزار و
نشحر الكل حتى ينشف مزيان.
نحيده من فوق النار و نزيد الطون اللي نكون قطرته من الزيت.نخلي الحشوة تبرد شوية و نفرغها في المول

نسرحها بشكل متساوي

في الخلاط الكهربائي ندير البيض و الفروماج (أو الجبن الأبيض جبلي أو أي
جبن)و نزيد الحليب و نطرب الكل حتى يتمزج مزيان.نصبه فوق الحشوة .

ندخله للفرن مسخن من قبل حتى يتحمر

و هدا شكل الكيش ملي خرجناه من الفرن

[size=21]

نتمنى تعجبكم هاد الطريقة لتحضير الكيش و تجربوها و ثقو بيا أخواتي راها
كتجي لديدة بزاف و ما تشبعي منها وخا ما درنا لا العجينة المورقة و لا
الكريم فريش جات غزالة

كانت هادي أول مرة ندير الكيش بهاد الطريقة و المرة التانية جات أحسن و استعملت الجبن ريكوطا بدل من الفروماج المثلث.
ممكن تحضري هاد الكيش بأي حشوة كتعجبك و كتعجب عائلتك.المهم المبدأ.

اللهم أدمها نعمة و بارك لنا فيها و احفظها من الزوال
لا أطمع إلا في دعوات بظهر الغيب من قلوبكم الطيبة و جزاكم الله عني خير الجزاء

دمتن أخواتي بخير و سعادة.

في رعاية الله

كيش بال pain de mie بالصور من مطبخي المتواضع 13553_221449421205_190868286205_4660266_6775943_n

تبارك الله عليك وصفاتك دائما في المستوى الله يخلي ليك دوك ليديات الي تيخرجو كلشي غزال
كيش بال pain de mie بالصور من مطبخي المتواضع FQZ53532

قطر.الندى كتب:: تبارك الله عليك وصفاتك دائما في المستوى الله يخلي ليك دوك ليديات الي تيخرجو كلشي غزال

كيش بال pain de mie بالصور من مطبخي المتواضع 18024814786777509227

» صابلي بالكراميل ساهل و اقتصادي من مطبخي المتواضع *بالصور*
» الفقاص من مطبخي بالصور
» بلاطو حلويات باللوز من مطبخي المتواضع (صورة)
» بلاطو حلويات صابلي من مطبخي المتواضع (صورة)
» مهلبية بالفواكه معسلين و بنكهة الكراميل من مطبخي المتواضع