غريبة بالبراليني منظر غزال و مذاق رائع من مطبخي (بالصور)

أخواتي الحبيبات

مرحبا بكم بموضوعي المتواضع.
اليوم جايبة ليكم واحد الغريبة ساهلة و كتجي غزالة في المنظر و المذاق ما شاء الله ما شهيتكم فيها .
بلا ما نكثر عليكم الكلام نبداو على بركة الله.

غريبة بالبراليني اللوز

غريبة بالبراليني منظر غزال و مذاق رائع من مطبخي (بالصور) 13053722602

المقادير

500غ دقيق فورص الخاص بالحلويات
250غ لوز
250غ سكر كلاصي
بكية و نصف خميرة الحلوة
قبصة مسكة حرة مطحونة مع سنيدة
الزيت حسب الخليط
سنيدة للتزيين

الطريقة:

لتحضير البراليني:

ناخد اللوز نمسحوه بمنديل نقي و نحمروه في الفرن أو في المقلاة الثقيلة على نار هادئة.
ملي يتحمر ,نطحنوه سخون مع السكر كلاصي حتى يولي عجينة ملساء و يطلق الزيت ديالو.

في قصعة
نغربل الدقيق ونزيد عليه قبصة من الملح والخميرة و البراليني و المسكة
الحرة و نخلط مزيان .من بعد نزيد الزيت بشوية بشوية حتى تجمع العجينة.
نكور العجينة على شكل غريبة صغيرة لأنها غادي تنفخ مع الطياب.
نمرمد الكويرات في سنيدة و نحطهم في لاطة و ندخلهم للفرن مشعول في الأول من فوق حتى تتشقق مزيان الغريبة عاد نشعل الفرن من تحت.

و بالصحة و الراحة.

أتمنى تعجبكم هذه الوصفة و تجربوها
أخواتي الكريمات لا تنسوني من صالح دعائكن بظهر الغيب
و جزاكن الله عني خير الجزاء

ما شاء الله عليك غريبة دايزها الكلام تبارك الله عليك واخا ما بانتش عندي الصورة و لكن فايتة شايفاها كتجي زوينة

الله يعطيك صحة أختي ليلى

» معقودة على شكل كراتان من مطبخي بالصور
» صابلي المثلثات من مطبخي بالصور
» سلطة البروكلي من مطبخي بالصور
» الرفيسة من مطبخي بالصور
» الفقاص من مطبخي بالصور